Færsluflokkur: Fjármál

Eðlilegt að Costco lækkar olíuna

Það er mjög eðlilegt að Costco lækkar olíuverðið. Þeir fylgja eftir lækkun olíufats á heimsmarkaði, þannig að neytendur á Íslandi eru að fá lækkun erlendis mjög fljót til sín.

Myndin hér að neðan sýnir verð miðað við hvern dag og í dag 22. júni kl. 10:21 er fatið á $42,77. Eins og við sjáum á myndinni þá hefur olíufatið verið að lækka hressilega undafarna daga og ekkert lát virðist vera á lækkun, stefnir undir $40 á fatið.

Flott Costco að fylgja eftir heimsmarkaði.

Olía 22 júni 2017 kl 10_21

 

 

 

 

 

 

 Hér sjáum við hvað kemur út úr einni olíutunnu
Olíutunna

 

 

 

 

 

 

 

 

 

 

 

 

 

 

 Framleiðsluferlið frá dælustað til neytenda
Flow of crude oil and gasoline and diesel to fueling stations

 

 


mbl.is Costco lækkar olíuverð enn frekar
Tilkynna um óviðeigandi tengingu við frétt

Er Félagsbústaðir glæpasamtök?

Ef Norski framfaraflokkurinn er á tímamótum, þá er greinilega að Félagsbústaðir eru á tímamótum. Félagsbústaðir er fyrirtæki á vegum Reykjavíkurborgar og er samkvæmt heimasíðu þeirra þjónustufyrirtæki á húsnæðissviði.

Nú bregður svo við að þeir eða þær sem eru að gera skattaskýrslu fyrir einstaklinga sem leigja hjá þessu fyrirtæki hafa tekið eftir ótrúlegu færslu frá þessu fyrirtæki.
Einstaklingur sem greiddi t.d. leigu upp á kr. 820.000 fyrir allt árið í fyrra er núna skráður með tekjur frá þessu sama fyrirtæki undir lið 2.9 kr. 888.000

Félagsbústaðir hafa engan rétt að setja tekjur á einstaklinga sem leigja hjá þeim, þótt að húsaleigan sé lægri en á öðrum stöðum. Þessar tekjur sem þeir virðast hafa skráð er greinilega mismunur á "hugsanlegu leiguverði" og leiguverðið hjá þeim.

Hætt er við því að þeir sem fá greiðslur frá Tryggingastofnun ríkisins liti á þetta séu aukatekjur og þeir lækki því sínar greiðslu í samræmi við það.

Ég vil því skora á þá sem eru að gera skattskýrslur fyrir einstaklinga sem leigja hjá Félagsbústöðum að kæra þessar skráðu tekjur til Ríkisskattstjóra. Þar sem þetta eru ekki á neinn hátt tekjur samkvæmt lögum. Heldur tilbúningur á tekjur og gert til þess eins að fegra bókhaldið.

Minni á það að í markmiðum Félagsbústaða sem kemur fram á þeirra heimasíðu segir: "Félagsbústaðir hf. starfa í þágu almannaheilla". Svona gjörningur er skepnuskapur af verstu gerð, því þeir sem leigja hjá þeim eiga yfirleitt ekki um önnur hús að vernda.

 


mbl.is „Í dag myndi ég kjósa nei“
Tilkynna um óviðeigandi tengingu við frétt

Salan á Kletti á gráu svæði

Leigufélagið Klettur ehf. sem er/var í eigu Íbúðarlánasjóðs samanstóð af 450 fasteignum sem teknar voru eignarnámi á sínum tíma.

Hæsta tilboðið í þessar eignir voru frá Almenna leigufélaginu, en það félag er í rekstri hjá Gamma sem er fjármálafyrirtæki. Það sem kemur mest á óvart er að á heimasíðu Gamma er Íbúðarlánasjóður eitt af þeim fyrirtækjum sem þeir hafa verið með ráðgjöf fyrir eins og sést á meðfylgjandi mynd sem tekin er 25. maí.

Gamma og ráðgjöf

 

 

 

 

 

Það kemur út eins að þeir hafi verið báðum megin við borðið. Fyrirtæki sem er með ráðgjöf á einum stað er síðan með vasa og það kaupir á öðrum stað. Kemur mjög asnalega út og hætt er á að þær upplýsingar sem þeir veittu í ráðgjöf er þeirra styrkur í kaup á þessum eignum síðar. Síðan fer maður að velta fyrir sér hvaðan komu þessir peningar til að kaupa var það frá lífeyrissjóðum eða bönkum? 

Fyrirtæki geta ekki verið báðum megin við borðið á heimasíðu þess er það skráð sem rekstrarfélag verðbréfasjóða og á sama tíma eru þeir að bjóða ráðgjöf jafnvel til þeirra fyrirtækja sem þeir eiga hlut í. Eru þeir ekki innherjar er þá þessi ráðgjöf þeirra ekki tilkynningaskyld til FME. Þar sem ráðgjöfin gæti falist að um upplýsingar væru að ræða sem þeir fá en ekki aðrir hluthafar.

Auk þess við skoðun á heimasíðu Almenna leigufélagsins er þetta meðal verstu heimasíðu sem ég hef séð ekkert um starfsfólk, engar íbúðir, ekkert um stjórn eða hver á fyrirtækið ... sjón er sögu ríkari.

Íbúðalánasjóður er búinn að fara langt fram úr sér fyrir löngu. Fyrirtækið er fyrst og fremst til að lána til kaupa á íbúðum og styrkt af skattgreiðendum að einhverju leiti. Að láta íbúðir standa óhreyfðar í mörg ár og selja það síðan til leigufélags er skammarlegt fyrir sjóðinn. Það hefði átt fyrir löngu að selja þessar íbúðir á frjálsum markaði. 


mbl.is Samþykkti ekki sölu á Kletti
Tilkynna um óviðeigandi tengingu við frétt

Ríkið á að kaupa Grímstaði á Fjöllum

Íslenska ríkið á að kaupa Grímstaði á Fjöllum. það hefur ýmsa kosti t.d. mikil nálægð við Vatnajökulsþjóðgarð eins og sést á myndinni fyrir neðan sem kemur frá Google earth. Einnig er þetta frábær staðsetning til að byggja þar um góðan stað fyrir ferðamennsku.

Með því að ríkið kaupir jörðina er hægt að hafa hana eina af grunnstoðum í ferðamennsku sem tengir bæði Norðurland og Austurland. Þarna er einnig hægt að hafa aðsetur vegna t.d. jarðfræði. Ríkið og við íslendingar þurfum að hugsa út fyrir kassann og horfa til framtíðar og þau miklu tækifæri sem þar bjóðast. Við eigum ekki að láta ekki erlenda fjárglæpahópa taka hana yfir.

Sem dæmi að ef hver íslendingur leggur til kr. 3.125 miðað við að fólksfjöldi hér á landi væri 320.000, þá gengur sú tala upp í 1 milljarð. Með því móti eignum við öll Grímsstaði á Fjöllum. Við ættum að hefja landssöfnun og hvetja alla til að fjárfesta t.d. kr. 5.000

 

Myndin er frá Google earth

Ísland Grímsstaðir á fjöllum


mbl.is Hafa áhuga á Grímsstöðum á Fjöllum
Tilkynna um óviðeigandi tengingu við frétt

HS Veitur ekki í lagi

Það er ýmislegt ekki í lagi heldur bílastæðagjöldin á Keflavíkurflugvelli. Það er t.d. HS Veitur sem sjá um dreifingu á t.d. rafmagni hérna á Reykjanesi. Þetta fyrirtæki er fyrirmunað að senda út reikninga á réttum tíma.

Sem dæmi að síðustu tveir reikningar hefur hafa ekki verið í réttum farvegi. Síðasti reikningur kom 5. febrúar inn á banka en gjalddaginn er skráður 31. janúar 2016. Gjalddaginn er sem sagt liðin þegar ég fæ reikninginn.

Gjalddagi þýðir síðasti dagur við greiðslu reiknings en eindagi þýðir lokadagur áður en dráttarvextir koma á reikning. Fyrirtæki sem ekki þekkir þennan mun hlýtur að þura að fara í skóla og læra hlutinn. Að senda út reikning þar sem gjalddagi er liðinn er í raun stórfurðulegt. HS Veitur þurfa því að færa þennan gjalddaga þannig að hann standist útsendingu í banka.

Á tímum þar sem tölvur ráð ríkjum þá hlýtur fyrirtæki eins og HS Veitur að geta haldið þessu í réttum farvegi.

 


mbl.is Bílastæðagjöld tvöfaldast
Tilkynna um óviðeigandi tengingu við frétt

NEI TAKK ekkert erlent sýklakjöt

Við eigum að halda innflutningsbanni á fersku kjöti og ekki leyfa erlend hormónasprengt sýklakjöt til landsins. Sem dæmi að erlendir aðilar setja Carbon Monoxide Gas í kjötið til þess eins að það helst lengur rautt. Neytendur vita ekkert hvaða 5. flokks kjöt þeir væru að fá ef þetta er leyft.

Þetta fyrirtæki Ferskar kjötvörur eru í eigu Haga og ef skoðað eru kjötborðin hjá fyrirtækjum Haga, þá er stórhluti af borðinu frá þessu fyrirtæki. Er þetta samkeppnin í dag? Er þeirra eina markmið bara ekki að kaupa nógu ódýrt til að selja það dýr? Auk þess þurfum við íslendingar að stórauka eftirlitið með gæðum á kjöti.

Myndbandið fyrir neðan sýnir framleiðslu á „Pink Slime" sjón er sögu ríkari. 

 

Hér kemur síðan hvað er hægt að gera með viðbætum í kjötið og spurning er hver fylgist með að þetta sé ekki gert? 

 

 

 

 

 

 

 


mbl.is Nautakjöt upphafið að endalokunum?
Tilkynna um óviðeigandi tengingu við frétt

Barnalánið - léleg ráðstöfun

Þetta fræga svokallað „barnalán" sem tekið var í tveimur áföngum í Bretlandi £15 milljónir árið 1981 og £15 milljónir árið 1983 samtals að upphæð £30 milljónir og var kúlulán. Það var óverðtryggt sem bar 14,5% vexti og var óuppsegjanlegt þ.e. ekki hægt að greiða lánið upp fyrir gjalddaga sem er 31. janúar 2016. Fjármálaráðherra var þá Ragnar Arnalds. Með kúluláni eru aðeins greiddir vextir á hverju ári og lánið sjálft er síðan greitt í lokinn.

Ef við skoðum lánið sjálft það hefur mjög háa vexti eða 14,5% sem dæmi að Lehman brothers voru með frá 1925 til 1969 að meðaltali 8,75% í vexti.

Lánið var til 35 ára og hvort lán fyrir sig voru greiðslur að upphæð £2.175.000 eða samtals £4.350.000 í heild hefur því íslenskir skattgreiðendur greitt samtals £147.900.000 í vaxtagjöld af þessum £30.000.000 „barna"láni. Árið 1989 var íslenska ríkið búið að greiða £30.450.000 í vexti eða meira en lánið sem tekið var upphaflega.

Ef við miðum við gengi £ í dag sem er 182 þá eru vaxtagjöldin í heild af £147.900.000 samtals 26,9 milljarðar ísl. króna  og  lán £30.000.000 er samtals 5,4 milljarða ísl. króna. Þetta gerir samtals 32,4 milljarðar ísl. króna. Þessi heildartala er rétt undir tölum sem Landspítalinn fær!

Niðurstaða. Helsta vandamál þjóðarinnar er ekki myntin eða verðtryggingin heldur þingmenn og Alþingi. Þeir virðast gera allt í pólitískum tilgangi án þess að hugsa hver í raun er besta leiðin sem er hægt að fara og fara þá leið. Þessi leið sem félagarnir Svavar Gestsson, Ragnar Arnalds og Gunnar Thoroddsen og aðrir sem sátu í þeirri stjórn voru því mjög dýrir fyrir þjóðina. Vonandi kemur slík stjórn ekki aftur.

 


mbl.is Barnalánið loks greitt eftir 35 ár
Tilkynna um óviðeigandi tengingu við frétt

Önnur sýn á heilbrigðisstarfsmenn

þurfum við ekki að fara að taka upp aðra sýn á heilbrigðisstarfsmenn eins og t.d. hjúkrunarfræðinga. Laun starfsmanna sem vinna við spítalanna eru grunnlaun og síðan bætast við vaktaálag. Starfsmaður sem vinnur eingöngu á daginn sem hjúkrunarfræðingur gæti því verið með laun á mánuði upp á kr. 370.000 en sá sem er í vaktavinnu þar gæti launin farið yfir kr. 450.000. Með vaktavinnu fylgir mikið álag og ekki er á bætandi ef viðkomandi á börn.

Allur sparnaðurinn sem síðasta ríkisstjórn VG og Samfylkingarinnar kom hvað harðast niður á heilbrigðisstarfsmönnum í formi meira álags. Oftar en ekki heyrum við að hjúkrunarfræðingar tala um að þeir/þær séu að brenna út í starfi. Sem dæmi var ég á námskeiði hjá Vinnueftirlitinu þar hitti ég hjúkrunarfræðing sem fór að vinna í leikskóla þar sem hún var að brenna út í starfinu.

Er þetta ekki eitt af vandamálinu það er vinnufyrirkomulagið og hægt að eyða því vandamáli. Það er því betra að hætta við grunnlaun og vaktaálag og taka upp jafnlaunakerfi sem gengur út að hversu margar vaktir viðkomandi vinnur á viku. Með þessu móti getum við haldið í fagmenn sem vinna á daginn fyrir mannsæmandi laun. Þetta kerfi var notað af læknum hjá Landspítalanum kringum 1960-1970.

 


mbl.is 198 hafa sagt upp á Landspítalanum
Tilkynna um óviðeigandi tengingu við frétt

Eru Hagar eitthvað betri sjálfir??

Í herferð Haga sem eru eigendur að Hagkaup og Bónus til að flytja inn óhindrað einhverja osta.

Þá vil ég spyrja eru þeir eitthvað betri sjálfir (Hagar) sem dæmi á Hagar, Ferskar kjötvörur ehf og ef við skoðum kjötborðið í mörgum Hagakaups- og Bónusbúðum þá kemur í ljós að þeirra eigið fyrirtækið (Ferskar kjötvörur ehf) er með yfir 80-90% af kjötborðinu. Er þetta ekki einokunartilburðir? sem í leiðinni hækkar vöruverðið. Hvernig getur fyrirtæki vilja hafa eitthvað óhindrað fyrir sig en er síðan sjálft með einokunaraðstöðu á vörutegundum sem það sjálft selur í sínum búðum? Þarf ekki að fara að skoða verslunarhætti Haga?


mbl.is Una ekki niðurstöðu ráðherra
Tilkynna um óviðeigandi tengingu við frétt

Hvernig öðlumst við velgengni?

Það eru til þúsundi bóka og námskeiða til að öðlast velgengni (e. success). En einhverju hluta vegna hittir stór meirihlutinn af þessu efni ekki í mark. Ef til vill er að margt að þessu efni er hugsað til að græða á, en ekki byggja aðra upp. Í orðabók Menningarsjóðs er orðið velgengni skýr sem „góð líðan, velmegun, hagsæld".

En Steve Jobs heitinn hjá Apple hafði góða og gagnlega sýna á velgengni og hvernig við náum að höndla velgengni (e. success). Hann sagði:

„við verðum að hafa mikla ástríðu fyrir sem við erum að gera, en það þarf ekki endilega að vera að við klárum málið með því eina að vopni. Við verðum að elskum það líka. Þeir sem elska það ekki líka detta upp fyrir og algengast hjá þeim sem gefast upp er að elska það ekki líka sem þeir/þær eru að gera. Við verðum að hafa bæði að elska það og hafa ástríðu fyrir því líka.  Og hitt að þú verður að hafa hóp af góðu fólki í kringum þig".

Það er gott að spila þetta viðtal áður en farið er í vinnuna. Hjálagt er þetta viðtal á youtube: 

 


mbl.is Keypti í Apple fyrir 180 milljarða
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband