Eru hlutabréfin í útboði Eimskips of há?

Eru bréfin í útboði Eimskips  of há? Í lokuðu útboði voru þau á kr. 208 nú er spurning er þetta ekki of hátt? Miðað við þetta verð og gengi €165 (Íslandsbanki 26/10/2012) þá kostar pr. hlutur €1,26. Þar sem Eimskip gerir upp í evrum.

Ef við skoðum hagnað á hlut (eps) þá er hann skráður í ársreikning Eimskips 30/06/2012 (bls 18) €0,04 þannig að hagnaður í íslenskur er kr. 6,6 árið 2011. Það tekur okkur rúm 31,5 ár að fá kaupverið til baka miðað við hagnaðinn.

 

Ef við skoðum annað skipafélag eins og Maerska A/S þá er það skrá í Kauphöll í Danmörku á DKK 38 en hagnaður á hlut (eps) 2011 var DKK 3,185  og væntanlega 12/2012 yrði hann DKK 4,236 (heimild: Bloomberg.com). Miðað við hagnaðinn 2011 þá tekur aðeins 11,9 ár að fá kaupverið til baka miðað við hagnað 2011 en aðeins 8,6 ár miðað við væntanlega hagnað 2012.

 

Ef við beitum mjög einfaldra formúlu eins og Gordon til að sjá hvað hluturinn ætti hugsanlega að kosta miðað við hagnað og ávöxtun.

Þá kemur í ljós að Maerska er með 4,236/0,127 = DKK 33,35 hluturinn

Eimskip er 0,04/0,039 = €1,025 eða kr. 169,23. sem er nokkuð mikil munur á þessum tveimur fyrirtækjum.  Hjá Maerska A/S er hlutabréfaverðið 15% í kauphöll en í útboði Eimskips er það 23% hærra.   

Best sjáum við þennan mun ef við fáum kauprétt á Eimskip því á bls. 19 er skráð samningsgengi €0,839 en frá þessu verði verðum við að borga fyrir að fá þennan kauprétt. Ekki veit ég hvort starfsmenn þurfa að borga fyrir að fá þetta verð eða ekki.

 

Miðað við þessi tvö fyrirtæki þá er mjög mikill munur og velti ég hreinlega fyrir mér hvort hlutabréfaverið í Eimskip er ekki of dýrt.  Besti kosturinn er því að skortselja hlutabréfin þar sem hætta er á að þau munu falla í verði.

 

Ef einhverjir vilja leiðrétta þessar tölur mínar sem eru setta fram með einföldum aðferðum þá fagna ég því en gera það á faglegan hátt.

Umframeftirspurn í útboðinu