Mikið var að eitthvað gerðist!

Það var mikið að eitthvað væri gert í málinu og reynt að hlúa að Íslandi og íslendingum, hvað annað. Mest er um vert er að hugsa jákvætt og horfa fram á veginn. Við getum litið á þetta sem erfiðan þröskuld sem við verðum að fara yfir, en við lærum líka á því. Reyndar þurfum við bæði lyftu og stiga til þess að fara yfir þennan þröskuld, en eitt er víst að sólin er hinu megin. Ég vil umfram allt ekki mála skrattann á vegginn, heldur að halda ró minni og sjá hvað er næsta skref yfir þröskuldinn.

Ég verð að viðurkenna að í byrjun fór ég að hugsa... einhverjir bankar verða lokaðir eða gjaldeyrishöft verða sett á. Man þá tíð þegar móður mín var að tala um gjaldeyrishöftin. En þetta er rangur hugsunarháttur. Það er alltaf sól yfir skýjum.

Miðað við lestur á netinu þá hafa Evrópusambandsríkin ekki náð saman um sameiginlegar aðgerðir varðandi þessa krísu sem komin er á fjármálamarkaðinum. Það sannar betur fyrir mig þetta sambandi er ekkert annað en orðin tóm og þetta endalausa hjal, um að sameinast inní eitt stór ríki til að íslensk þjóðfélag getur lifað af, er ekkert annað en útópía. Við eigum að vera eins hinir sönnu Víkingar sem snéru bökum saman og börðust til sigurs. Það skiptir ekki máli stærðin á ríkinu heldur hvernig þjóðfélagið er og ef við gætum hvers annars munum við alltaf sigra.

Var þessi helgi 1. apríl??

Það getur ekki annað verið, en þessi helgi hafi öll verið 1. apríl. Nú er lokið örugglega einhverri lengstu fundarlotu til að rétta skútuna við og út kemur lítil mús. Ég spyr nú bara hvað kostaði þessi fundarlota okkur borgaranna, það hefði verið miklu betra að nota MSN-ið eða Skyp-ið miklu ódýrara.

Það er allavega eitt, að ekki er verið að rétta okkur hjálparhönd, heldur verið að tryggja að þeir sem eru með mestu fjármunina bæði hér á landi og erlendis, er vel verndaðir og baktryggðir bæði að ofan og neðan, og með dempara allt um hring. Það er greinilega ljóst að það er verið að vernda þá sem sukkuðu mest erlendis og tóku lán á hægri og vinstri, þeir eru baktryggðir. Við labbakútarnir getum bara rölt á haugana og keppt þar við mávanna um matinn. Maður er farinn að spara það mikið við sig að við endum þar.

Eitt er nú víst að álit mitt á þessum stjórnmálamönnum hefur hrakað svo um munar. Það er hægt að líkja þeim við kónguló í koppi sem snýst í kringum sjálfan sig og finnur ekki leiðina út. Það skildi ekki vera að þeir væru að reyna að vera Andanefjur, eins og þær sem eru á pollinum á Akureyri, til að fá athygli. Núna væri réttast og á vel við að syngja lagið með ABBA  Mamma Mía............

Sunnudagurinn mikli

Þessi dagur sunnudagurinn 5. október fer að minna ótrúlega á þegar öll þjóðin horfði á hin fræga hurðahún á Höfða. Og beið eftir því að hann opnaðist og forsetar Bandaríkjanna og Sovétríkjanna loku sínum fundi. Ég held að ég hafi horft í 5 tíma á þennan hún á Höfða í gegnum sjónvarpið. En núna horfir öðruvísi við, núna er það annað hús og annar hurðahún og okkar þjóðfélag er þar innan dyra. Á tíma kom um lag með Bubba "Hrognin eru að koma gjörið....." reyndar á það bara vel við. Og þegar Geir kemur út og segir eitthvað þá hef ég reyndar tvö lög, fer eftir hvað hann segir. Annað myndi vera með Bubba "Stál og hnífur er...." og hitt verður bara með Abba "Mamma mía" 

Vantar okkur vegakort?

Ég hef haft það á tilfinningunni undanfarið að ég hafi fæðst á rangri plánetu, það getur ekki verið að ég hafi átt að fæðast á þessari!

En ég hef allavega komist að þeirri niðurstöðu að þessum útrásarstórgróðaherrum vantar vegakort og það kort heitir siðfræði í viðskiptum. Þeirra eina hugsun er að við næsta götuhorn er GULLPOTTUR og þeir ætla að grípa hann og besta leiðin er að taka lán eða skiptast á pappírum innan sinna vinabanda, en pappírar þessir köllum við hlutabréf. Þeirra eina markmið með yfirtök er að kreista Gæsina eins og hægt er og viti menn jú Gæsin sú arna verpti gulleggjum, fyrir þessa herra. En það var á kostnað hennar sjálfra. Því með því að þurrausa allt lausafé til að þóknast þeim og selja svo allt frá henni, voru þeir í raun að þurrka hana út.

Ein frábær Gullgæs sem tekin var og átti að græði á var t.d. Flugleiðir, ég hef það á tilfinningunni að fyrirtæki var tekið sem margir kalla "hákarla árás". Þá er fyrirtækið skoðað miðað við órástafað eigið fé og hvaða eignir er hægt að selja frá Gullgæsinni, því hærri sem það er því betra. Þetta er reyndar þekkt í Bandaríkjunum frá 1975-1995 þar sem mörg fyrirtæki urðu fyrir barðinu á þessum hákarlaveiðimönnum og endaði yfirleitt ekki vel fyrir minni borgir og sveitarfélög.

Höfum við í raun gleymt siðfræðinni í viðskiptum sem felst í t.d. trausti og að byggja fyrirtækið upp innanfrá og hlúa að því, þannig að það verði sterkt og öflugt. Því rekstur á fyrirtæki er langhlaup en ekki 10 metra hlaup eins og hefur verið síðustu 2-3 ár. Þegar hugsað er eingöngu um 10 metra hlaup, þá þarf alltaf að kaupa næsta og næsta og allt með lánum, hvað annað? En einhvern tíman kemur stoppið. Hins vegar hafa verið góð kaup á fyrirtækjum erlendis og það er yfirleitt hjá þeim sem eru að stækka við sig sjálft, þannig að þau sjálf fái stærri markað.