Jóladagatal sjónvarpsins á dönsku :(

Mér finnst það mjög furðulegt að hafa jóladagatal sjónvarpsins á dönsku með íslenskum texta. Sérstaklega þegar haft er í huga að þetta er fyrir mjög ung börn sem jafnvel eru ekki byrjuð á að lesa.

Það hlýtur að vera meiri metnaður hjá sjónvarpinu en þetta. Í raun er sjónvarpið að fleygja peningum út um gluggann, þar sem ákveðin hluti af áhorfendahópnum getur getur hvorki skilið dönsku né lesið Íslensku. Það er lágmarkskrafa að það sem er fyrir börn sé talað á íslensku, nema að þeir eru það snobbaðir að þeir geti ekki talað íslensku.

Jóladagatalið á íslensku TAKK FYRIR! 

Óánægja með jóladagatal RÚV

Frábær 8 ára rísandi söngstjarna

Angelina Jordan er aðeins 8 ára en alveg frábær :):) Hún vann Norsku keppnina Norway's Got Talent. Lagið sem er hér fyrir neðað er What a Difference a Day Make. Hún kom síðan fram hjá ABC í Bandaríkunum og þar söng hún Fly me to the Moon sjá á youtube

 

 

Áhugaverð útgáfa af „Shake It Off“

Pissu- og saurfréttir af ferðamönnum

Það liggur við að það eina sem við heyrum í fjölmiðlum um ferðamenn, er að þeir eru allstaðar að míga og skíta og það virðist vera í öllum krókum og kimum. Sem dæmi fór ég nýlega um miðbæ Reykjavíkur og tók eftir því að þar er aðeins 4 wc í öllum miðbænum. Það besta er að þau voru á sitthvorum endanum í miðbænum og voru auk þess öll lokuð. Einhvers staðar verða ferðamenn að gera þarfir sínar.

Reykjavíkurborg sem hefur tekjur af viðskiptum ferðamanna við fyrirtækin í borginni ætti að geta gert betur. Hún getur ekki velt vandamálinu á einhver kaffihús. Hitt er svo annað vandamál það eru ferðamannastaðirnir út á landi. Einfaldasta og besta málið er að rukka inn á þessa staði. Við það gætu væri t.d. wc ferðir inn í þessum pakka. Eins er hægt að rukka þessi ferðaþjónustufyrirtæki um gjald til að standa straum af hluta af þessum wc vandamálum.

Það skýtur svolitlu skökku við að flest þessara ferðaþjónustufyrirtækja er á höfuðborgarsvæðinu sem fara með ferðamenn út um allt land. En vilja svo að aðrir greiði kostnaðinn við t.d. klósetferðir. Er það ekki best að þau væru rukkið sjálf fyrir þessum kostnað. Vilja þau fara með sína ferðamenn á þessa staði borgi þau sjálf fyrir kostnaðinn sem af því hlýst. Margir af þessum litlu stöðum sem ferðaþjónustufyrirtækin fara á, hafa litlar sem engar tekjur af þessu. Allur hagnaðurinn verður eftir á höfuðborgarsvæðinu.

Við viljum fá milljónir af ferðmönnum og hafa tekjur af þeim en það þarf líka að sinna þeim og hafa eftirlit með því að þeir fari eftir lögum og reglum. Það hefur skort á að við sinnum þessum eftirlitshlutverki. Það leiðinlegasta við íslenska ferðamennsku er að hún virðist vera einhver útgáfa að "fjölda hópferð" þar sem fólki er smalað saman og rúntað með það um holt og hæðir og stoppað á sjoppum til nota klósetið. Það gleymist að upplifa Ísland.

Ísland er landið okkur við þurfum líka að vernda það.

 

Pissa í hvert skúmaskot á Íslandi

Nýr ritstjóri 365

Er þessi nýi ritstjóri hjá 365 menntaður blaðamaður? Ef svo er ekki, því er ekki menntaður maður í þessari grein ráðinn. Þetta lyktar af pólitískri ráðningu. Hætt er á því að þetta dregur fréttaflutning niður í drullusvað og verður því með óvandaðan fréttaflutning.

Það er íslensk lenska að ráða vini og vandamenn og pólitíska plottara í staðinn fyrir að ráð einstaklinga sem eru menntaðir í viðkomandi grein. Fréttamiðill sem ætlar að láta taka sig alvarlega hlýtur að ráða menntaða einstaklinga í fagið, sérstaklega ef um ritstjóra er að ræða en ekki vini og vandamenn.

 

 

 

Jón Gnarr „ráðinn til að hafa áhrif“

Endurhanna námið

Þarf ekki að fara að endurhanna námið sem við kemur heilbrigðisgeiranum. Hægt er að gera það að til að komast í t.d. hjúkrun þarf að sækja um að vera lærlingur og vinnan sem lærlingur felur í sér að vera auk þess í fjarnámi við Háskóla eins og á Akureyri. Með þessu fær viðkomandi laun á meðan hann/hún er við nám og samfélagið fær auk þess vinnu hans á meðan. Síðan myndi viðkomandi heilbrigðistofnun útskrifa viðkomandi lærling. Launin væru miðuð við hversu margar vaktir viðkomandi inni á viku eða mánuði. 

Með þessu móti myndu allir hagnast engin námslán þar sem viðkomandi væri í vinnu á meðan.

 

Segja upp störfum eftir útskrift

Önnur sýn á heilbrigðisstarfsmenn

þurfum við ekki að fara að taka upp aðra sýn á heilbrigðisstarfsmenn eins og t.d. hjúkrunarfræðinga. Laun starfsmanna sem vinna við spítalanna eru grunnlaun og síðan bætast við vaktaálag. Starfsmaður sem vinnur eingöngu á daginn sem hjúkrunarfræðingur gæti því verið með laun á mánuði upp á kr. 370.000 en sá sem er í vaktavinnu þar gæti launin farið yfir kr. 450.000. Með vaktavinnu fylgir mikið álag og ekki er á bætandi ef viðkomandi á börn.

Allur sparnaðurinn sem síðasta ríkisstjórn VG og Samfylkingarinnar kom hvað harðast niður á heilbrigðisstarfsmönnum í formi meira álags. Oftar en ekki heyrum við að hjúkrunarfræðingar tala um að þeir/þær séu að brenna út í starfi. Sem dæmi var ég á námskeiði hjá Vinnueftirlitinu þar hitti ég hjúkrunarfræðing sem fór að vinna í leikskóla þar sem hún var að brenna út í starfinu.

Er þetta ekki eitt af vandamálinu það er vinnufyrirkomulagið og hægt að eyða því vandamáli. Það er því betra að hætta við grunnlaun og vaktaálag og taka upp jafnlaunakerfi sem gengur út að hversu margar vaktir viðkomandi vinnur á viku. Með þessu móti getum við haldið í fagmenn sem vinna á daginn fyrir mannsæmandi laun. Þetta kerfi var notað af læknum hjá Landspítalanum kringum 1960-1970.

 

198 hafa sagt upp á Landspítalanum

Dýralæknabullið

Ef bóndi ætlar að slátra t.d. svínum, þá þarf dýralæknir til þess. Er ekki með þessu móti dýralæknar að skapa sér sérstöðu í málinu og um leið góðar tekjur fyrir að segja JÁ. Slátrun á dýrum eins og t.d. svínum á ekki að vera á leyfi dýralækna. Heldur eru það sláturhúsin sem hafa það leyfi og bóndinn fer bara í það sláturhús sem hefur leyfi og lætur slátra það þar enda uppfyllir sláturhúsin alla staðla sem til þarf. Dýralæknum er því ofaukið við slátrun dýra og þeir eiga ekki að vara í neinni oddastöðu í þessu máli.

Dýralæknar vilja tryggja heilbrigði dýra

lögregluafrek í Bretlandi

Þetta er örugglega afrek út af fyrir sig að þurfa kringum 30 lögreglumenn, 15 - 20 lögreglubílar, sjúkrabíl og þyrlu vegna kýrinnar Bessie. Skemmtilegt er að hluta á útvarp BBC 5. Honum datt ekki í hug að þetta væri út af einni kú heldur líktist það helst að verið væri að taka fyrir eiturlyf eða hryðjuverk

http://www.bbc.co.uk/programmes/p02rsdxh

Kýrin skotin í þágu almannaöryggis

Norskir fangar til Hollands en hvað með þá íslensku?

Eigum við ekki að taka Norðmenn til fyrirmyndar og taka bara á leigu fangelsi í Hollandi. Er ekki fangelsi svipuð í mörgum löndum og þau Hollensku eru ekkert verri en önnur. Við þetta myndi allir biðlista minnka og hver og einn fengi sína refsingu á þeim tíma sem hún var dæmd.

Norskir fangar til Hollands

Niðurgreiðsla á opinberufé!

Er þetta ekki að nota fé sveitarfélaga illa! Til hvers að greiða niður ferðir fyrir erlenda ferðamenn? Sveitarfélag eins og Reykjanesbær sem skuldar 270% af sínum tekjum, skuli vera að nota peninganna á þennan hátt er hreint hlægilegt. Þarf ekki eftirlitsstofnun EFTA að rannsaka þetta. Eru ekki opinberir aðilar með þessu móti að misnota fjármuni almennings í markaðsráðandi stöðu! Þar sem aðrir einkaaðilar eru nú þegar á þessum markaði.

Þetta strætó 55 bull er hreint hlægilegt fyrirbæri. Á Ásbrú búa um 1591 ári 2014 samkvæmt Hagstofunni. Sem gerir Ásbrú að 3 fjölmennasta byggðakjarnanum á Suðurnesjum. Það var upphaflega komið á fót fyrir háskólafólk sem var við námi í t.d. Háskóla Íslands og Háskóla Reykjavíkur auk annarra. Við þessa nýju 55 leið í janúar verða bara 2 ferðir snemma að morgni og síðan ekkert fyrir en nokkuð eftir hádegi, þar sem ferðir fara framhjá þessum háskólum. Fólkinu er síðan bara hent út í Hafnarfirði.

Þetta sveitarstjórnar pakk ætti að nota peninga almennings á betri veg en þessum. Það er líka von að sveitarfélögin eru á rassgatinu í skuldum með svona gjörningum.

Ef við horfum á rekstrargrundvöllinn þá gengur hann ekki upp.Vegna þess að það eru tvö fyrirtæki fyrir sem sinna eingöngu ferðamönnum til og frá Keflavíkurflugvelli. Besta er að þau keyra framhjá fjölda hótela og þar geta þeirra viðskiptavinir farið út og enda svo á BSÍ. Strætó 55 ætlar að sinna bæði ferðamönnum og íbúum á svæðinu. Þetta eru tveir mismunandi hópar sem hafa sitthvorn tilganginn með ferðinni og þetta blandast mjög illa saman. Það mun taka íbúa um 1 klst. að komast frá Reykjanesbæ til Reykjavíkur. Það besta er að hluta úr deginum mun endastöðin vera Hafnarfjörður. 

Samkvæmt þessu þá munu Hafnfirðingar fá á sig fjölda erlendra ferðamanna með ferðatöskur sem ætlar sennilega þá að taka annan strætó í Hafnarfirði til að komast á hótelið sem væri hugsanlega í Reykjavík. Við sjáum að þetta strætó 55 upp á keflavíkurvöll er hreint og beint bull! Þetta er mjög ófaglega hugsað og er öllum til ógagns.

 

Fagna samkeppninni til Keflavíkur