Pissu- og saurfréttir af ferðamönnum

Það liggur við að það eina sem við heyrum í fjölmiðlum um ferðamenn, er að þeir eru allstaðar að míga og skíta og það virðist vera í öllum krókum og kimum. Sem dæmi fór ég nýlega um miðbæ Reykjavíkur og tók eftir því að þar er aðeins 4 wc í öllum miðbænum. Það besta er að þau voru á sitthvorum endanum í miðbænum og voru auk þess öll lokuð. Einhvers staðar verða ferðamenn að gera þarfir sínar.

Reykjavíkurborg sem hefur tekjur af viðskiptum ferðamanna við fyrirtækin í borginni ætti að geta gert betur. Hún getur ekki velt vandamálinu á einhver kaffihús. Hitt er svo annað vandamál það eru ferðamannastaðirnir út á landi. Einfaldasta og besta málið er að rukka inn á þessa staði. Við það gætu væri t.d. wc ferðir inn í þessum pakka. Eins er hægt að rukka þessi ferðaþjónustufyrirtæki um gjald til að standa straum af hluta af þessum wc vandamálum.

Það skýtur svolitlu skökku við að flest þessara ferðaþjónustufyrirtækja er á höfuðborgarsvæðinu sem fara með ferðamenn út um allt land. En vilja svo að aðrir greiði kostnaðinn við t.d. klósetferðir. Er það ekki best að þau væru rukkið sjálf fyrir þessum kostnað. Vilja þau fara með sína ferðamenn á þessa staði borgi þau sjálf fyrir kostnaðinn sem af því hlýst. Margir af þessum litlu stöðum sem ferðaþjónustufyrirtækin fara á, hafa litlar sem engar tekjur af þessu. Allur hagnaðurinn verður eftir á höfuðborgarsvæðinu.

Við viljum fá milljónir af ferðmönnum og hafa tekjur af þeim en það þarf líka að sinna þeim og hafa eftirlit með því að þeir fari eftir lögum og reglum. Það hefur skort á að við sinnum þessum eftirlitshlutverki. Það leiðinlegasta við íslenska ferðamennsku er að hún virðist vera einhver útgáfa að "fjölda hópferð" þar sem fólki er smalað saman og rúntað með það um holt og hæðir og stoppað á sjoppum til nota klósetið. Það gleymist að upplifa Ísland.

Ísland er landið okkur við þurfum líka að vernda það.

 

Pissa í hvert skúmaskot á Íslandi

Athugasemdir

[ólafur (IP-tala skráð) 18.7.2015 kl. 22:06]

þetta er ekkert flókið. Við erum 320þúsund. Við tókum í fyrra á móti 1,2m farþega til landsins. 900þúsund voru útlendingar restin íslendingar með lögheimili erlendis. Nún eru þeir mun fleiri.

Halda menn svo að þetta fólk þurfi ekki að éta og skíta meðan það er hérna? þetta er það sem er að skila okkur mestum tekjum og það fjórða árið í röð. Ekki fiskurinn eða álið. Nei túrismi og við erum að rústa þessu með því að gera ekki betur en við gerum!

[Þorgils Hlynur Þorbergsson (IP-tala skráð) 19.7.2015 kl. 00:18]

Mikil umræða hefur skapast vegna ferðamanna, sem tappa af sjálfum sér eða ganga erinda sinna nánast þar sem þeim hentar, ekki síst í náttúruperlum landsins, heimamönnum og náttúruunnendum til mikils ama. Hvers vegna eru slíkir sóðar ekki hreinlega sektaðir fyrir slíkar framkvæmdir, til dæmis um 10.000 eða 20.000 krónur, umreiknaðar og námundaðar að erlendum gjaldmiðlum? Oft duga bannorðin ein og sér ekki til. Ef fólk er ekki sektað og fjármunir látnir tala í stað hjáróma radda á misgóðum erlendum málum brosir það bara og lætur orðin eins og vind um eyru þjóta. Ef ekki er sektað fyrir slíkar athafnir má nánast líta svo á að þeim sé þetta heimilað ellegar ráðlagt, þó svo að heilbrigð skynsemi eigi að sjálfsögðu að segja annað! Fremur ætti að hleypa ókeypis á salernin, til dæmis á Þingvöllum, að minnsta kosti á meðan þessi óáran ræður ríkjum. frown emoticon

[Guðmundur Pétursson, 19.7.2015 kl. 01:37]

Þessi umræða er og hefur verið á ákveðnum villigötum.  Það þarf að byggja upp innviði á þessum helstu ferðamannastöðum og þar með talið aðstöðu fyrir saurlát sem og þvaglát.  Hvernig gjaldtöku er háttað er hinsvegar annað mál og hef ég öngva sérstaka skoðun á því hvernig þeim málum væri best háttað.  Áður en einkaaðilar byggðu kaffihús í Dimmuborgum þá var það mjög svo mannaskítsvænn staður og það sama má segja um ráðamenn íslenska sem helst vilja skeina sér með álpappír ef þeir skeina sér þá yfir höfuð.

[Jón Valur Jensson, 19.7.2015 kl. 03:08]

 

Það eru til rútur erlendis með klósettum í og fyrir löngu kominn tími á slíkar hér á landi. Góð refsing ferðafyrirtækja, sem vísa ferðamönnum inn á einkalóðir eða almenningssvæði til að ganga örna sinna, gæti verið að taka af þeim starfsleyfið eftir nokkra mánuði (hámark hálft ár), hafi þau ekki fengið sér rútur með salernum.

En með almennilegri skattheimtu (t.d. með 1000 kr. gjaldi á hvern fullorðinn, gjaldi sem bætast mundi við flugvallarskattinn) og með fleiri leiðum (sjá hér: http://krist.blog.is/blog/krist/entry/1864877/), þá er hægt að stórbæta þjónustu við ferðamenn. Svo ætti að leggja háar sektir á leiðsögumenn sem haga sér svona (og kalla strax til lögreglu). Ég tek undir tilögu Þorgils Þorbergssonar um sektirnar, sem t.d.í Bandaríkjunum þættu ekki miklar.

 

[Högni Elfar Gylfason, 19.7.2015 kl. 09:53]

Það er löngu tímabært að stóru ferðaþjónustu og rútufyrirtækin borgi auðlindaskatt.  Þá peninga þyrfti svo að nota til að setja skíthús sem allra víðast.  Þessi fyrirtæki sem eru að ferðast um landið með hundruð þúsunda ferðamanna og selja þeim aðgang að eigum landsmanna og í mörgum tilfellum eigum einstaklinga án þess að greiða krónu fyrir afnotin þurfa að fara að taka þátt í þeim kostnaði sem af þessu hlýst.  Þessi fyrirtæki eru þess utan flest með lögheimili á höfuðborgarsvæðinu og borga sín gjöld þar á meðan peningavélarnar þeirra eru úti á landi og enginn peningur kemur í kassann til sveitarfélaga þar.