Rapetown Húsavík

Þeir 113 einstaklingar sem studdu opinberlega nauðgun eiga að biðjast afsökunar opinberlega. Slíkt framferði er með ólíkindum og sérstaklega framferði prestsins Sighvatar karlssonar, þarf söfnuður að hafa prest sem vill ekki verja þá sem hafa verið ráðist á eða er þessi aumingja maður búinn að gleyma trúnni.

Þetta framferði er Húsavík til skammar og þeir sem búa þar skuli sætta sig við að sitja yfir því að það er gott og gilt að nauðga.

 

„Nöfn fólks sem ég taldi vini mína“

Athugasemdir

[jonni (IP-tala skráð) 8.4.2013 kl. 23:16]

en er þetta ekki víðar en þar, kona sem ásakaði biskup um misnotkun var

talin geðveik og samfélagið trúði henni ekki, hún hrökklaðist

til Danmerkur en fékk löngu síðar viðurkenningu, held að þetta sé

ekki bara bundið við Húsavík.

[Bernharð Hjaltalín, 9.4.2013 kl. 03:58]

Sæll Ómar, svona mál eru um allt land síðast á Skagaströnd, við meigum þakka Stigamótum og fl. fyrir

framlag sitt, væri ekki hér Indverskt ástand hér annars.

Stjórnendur þjóðhátíðar í Vestmanneyjum tóku ekki í mál að Stigamót eða fl. væru að skipta sér að

allt var í besta lagi hjá þeim en þar hafa menn verið að taka til síðustu ár.

[corvus corax, 9.4.2013 kl. 08:22]

Þær eru ótrúlegar fullyrðingarnar hjá sumum af þessum siðblindu undirskrifurum, þeir fullyrða að atburðurinn hafi ekki gerst en voru samt hvergi nærri þegar nauðgunin átti sér stað. Nauðgarinn játaði en dró svo játninguna til baka "til þess að losna úr varðhaldi" sagði í Kastljósinu í umfjöllun um málið. Undirskrift þessara 113 sem skrifuðu undir stuðning við nauðgunina verður þeim sjálfum til ævarandi skammar.

[Vilhjálmur Örn Vilhjálmsson, 9.4.2013 kl. 08:34]

Eins og Bernharð segir, þá hafa svona mál alltaf komið upp í smáum plássum á Íslandi. Þöggunin á "erfiðum málum" er eitt að þjóðareinkennum Íslendinga. Menn þegja mál og réttlæti í hel ef það þjónar einhverjum einkennilegum sameiginlegum tilgangi og leggja menn í einelti þótt að viðkomandi hafi á réttu að standa.

En því miður eru líka til mál þar sem menn hafa ranglega verið kærðir. Jafnvel með aðstoð Stígamóta. Ég er alls ekki að segja að það sé tilfellið í málinu á Húsavík. Ég treysti dómstólum landsins fyrir þeim niðurstöðum sem þeir komust að í því máli. Það er frábært að ung kona segi frá svo erfiðu máli á eins málefnalegan hátt og Guðný Jóna Kristjánsdóttir gerði í Kastljósi. Kastljós og Seljan eiga þakkir skildar fyrir góðan og sanngjarnan fréttaflutning í þessu máli. Enn frábærara er að Guðný hefur ekki látið bugast og hefur getað stjórnað lífi sínu þrátt fyrir nauðgun skólabróður hennar.

En það er líka mjög almennt á Íslandi, að menn eru fljótir að setjast á dómstóls götunar? Fólk á Húsavík dæmdi unga stúlku með ógeðfelldri undirskriftasöfnun skrílsins og Ómar Gíslason dæmir alla á Húsavík með því að stimpla bæinn sem Rapetown. Ómar, ertu viss um að þú hefði ekki verið á þessu lista, ef þú hefðir búið á Húsavík?

[valmar väljaots (IP-tala skráð) 9.4.2013 kl. 15:51]

viltu ekki bara fara alla leið og hrópa "rapeland Iceland!"?

[Ómar Gíslason, 10.4.2013 kl. 15:56]

Vill bara minna á það að þegar þessi undirskriftarlisti var gerður þá skrifuð 6,6% af þeim sem voru 18 ára og eldri undir. Hinir gerðu ekkert en eflaust töluðu margir yfir kaffibolla en risu ekki upp gegn svona bulli eins og þeir sem skrifuðu undir.

Til þess að samfélag eins og Húsavík getur þrifist eðlilega eftir svona þá verða þeir sem skrifuðu undir að biðjast afsökunar á sínum gjörðum, annars verður alltaf svartur blettur sem erfitt er að vinna á. Auk þess eiga lög að gilda og það verða allir að sætta sig við en ekki vinna gegn lögum.

[Ómar Gíslason, 10.4.2013 kl. 16:18]

Við getum spurt, hvernig líður þeim sem búa á Húsavík með þennan undirskriftalista? Eru þeir/þær sem búa þar sáttir við svona lagað? Þess vegna verður samfélagið á Húsavík að hreinsa þetta burtu en ekki að hafa þetta sem svartur poki á bakinu.

[Ómar Gíslason, 10.4.2013 kl. 20:06]

Vil þakka Sighvati Karlssyni presti fyrir að koma fram og biðjast afsökunar.