Hvenær rís Ísland upp?

Miðað við þessar tölur að 22.000 eru í alvarlegum vanskilum og hjá Creditinfo segja þeir að hægt er að tala um 22.000 heimili. Getum við nokkuð tíman risið upp aftur? Það eru skráð 117.228 heimili í landinu og þetta er því um 19% allra heimili. Það getur í raun ekkert bankakerfi risið upp við svona aðstæður því aðaltekjur þeirra er að lána og ekki geta þeir lánað til þeirra sem eru á vanskilaskrá.

Bara sem dæmi að á Reykjanesi eru um 5,2% allra heimila þar að fara eða farið á nauðungaruppboð bara á þessu ári!

Það getur ekki verið að þessi ríkisstjórn sé að horfa á málið með réttum augum! Hún hlýtur að vera með einhverja útgáfu af skilningsleysi. Það þarf að taka miklu stærri og sterkari spor. Það getur ekkert þjóðfélag risið upp ef lungað úr því er að fara í gjaldþrot. 

 

Um 22 þúsund á vanskilaskrá

Athugasemdir

[Óskar Arnórsson, 10.6.2010 kl. 01:19]

...bankarnir þurfa á þessum gjaldþrotum að halda til að geta komist af. Annars fellur víxillinn á Ríkið sem skrifaður var til að bjarga bönkunum frá gjaldþroti...það hrjáir ekkert skilningsleysi Jóhönnu og Steingrím. Þau vita vel að þessi eignaupptaka er nauðsynleg til bjargar bönkunum. Og samþykkja það.