Evran og sýndarmennskan

Gengi evrunnar er allt of sterk miðað við hvernig ástand er hjá þeim löndum sem hana hafa. Henni er haldið upp af miklu afli, en ekki spurt um þau lönd og hvernig þeim reiðir af. Það ætti að vera grundvöllurinn því þá myndi hún styrkjast og um leið þau lönd sem hana bera. En allur þessi sýndarmennska í kringum hana er eins og á Íslandi fyrir hrun.

Þurfum við að ganga í samtök eins og ESB sem byggir á sýndarmennsku? Það er ekki reynd að aðstoða Grikki heldur eru þeir kúgaðir í nafni ESB sem eru að leika einhverskonar Guð. 

Óvissa í Grikklandi veikir evru

Athugasemdir

[Gunnar Heiðarsson, 9.3.2010 kl. 10:38]

ESB telur sig vera yfir allt og alla hafið. Yfirgangurinn er þvílíkur að gömlu ráðstjórnarríkin blikna í samanburðinum.

[Ómar Gíslason, 9.3.2010 kl. 10:41]

Alveg rétt hjá þér og þetta viljum við ganga inní.

[Guðmundur Ásgeirsson, 9.3.2010 kl. 10:46]

Sýndarmennskan náði hámarki sínu í gær þegar frakkarnir Sarkozy og Strauss-Kahn reyndu að "tala upp" Evruna, alveg eins og Geir H. Haarde & co. reyndu að gera við krónuna þegar hún byrjaði að falla 2008. Allir vita hvernig það endaði, en sjáum til hvernig fer með Evruna. Einu forsendurnar fyrir núverandi gengi hennar eru huglægar.

Við búum í samtengdum heimi. Kalifornía, 8. stærsta hagkerfi heims riðar nú til falls og er komið í sama flokk og Ísland Lettland og Grikkland. Sökkvi Kalifornía í skuldafen mun sú fljóðbylgjaskella af miklum þunga á kínverska hagkerfinu sem er það annað stærsta í heiminum. Staða dollars gagnvart Yuan er svo viðkvæm að minnsti óstöðugleiki í Kína getur valdið dollarahruni, en eina leiðin sem bandaríski seðlabankinn á eftir til að verjast því er að ráðast á hina gjaldmiðlana og fella þá til að jafna metin. Ef það gerist, sem sumir segja að sé nánast bara tímaspursmál, þá mun hann taka Evruna með í fallinu, og það verður ekki fallegt að horfa á!

[Hörður Hinrik Arnarson (IP-tala skráð) 9.3.2010 kl. 13:14]

Það er yndislegt að lesa þessi skrif ykkar um stöðu mála í Grikklandi og samband þess við önnur ESB ríki. Ég er reyndar sammála Guðmundi að við búum í samtengdum heimi. Það eitt og sér, er góð ástæða til að sækja um í ESB og vera þátttakandi í alþjóðasamfélaginu.

[Guðmundur Ásgeirsson, 9.3.2010 kl. 15:04]

Hörður: við höfum getað tekið þátt í alþjóðasamfélaginu hingað til án Evrópuaðildar. Ég sé enga ástæðu til að loka sig inni í samstarfi við aðeins 27 ríki sem bráðum verða eitt, því við getum ef við viljum haldið áfram frjálsum og óháðum samskiptum við öll 193 viðurkennd þjóðríki í heiminum ásamt Taiwan, Tíbet, Færeyjum, Grænlandi o.fl. á okkar og þeirra eigin forsendum.

En þú ert augljóslega á ESB-skoðuninni og hefur að sjálfsögðu rétt á því. Við leysum þann ágreining líklega ekki hér.

[Ómar Gíslason, 9.3.2010 kl. 23:17]

ESB eins og það er í dag getur ekki staðist, það má líkja því við risa á brauðfótum. Núna erum við að sjá að ESB er að verða miðstýrt apparat sem hefur meira vald og það mun enda með því að löndin verða fylki í ESB. Við íslendingar getum vel lifað og starfað frjálsir og óháðir öðrum í þessum heimi og við eigum að gera það.

Margir hafa talað um innflutningshöft hér á landi á t.d. kjöti en í ESB er innflutningskvóti á bönunum sem mér finnst mjög fyndið.

[Hörður Hinrik Arnarson (IP-tala skráð) 10.3.2010 kl. 09:51]

Guðmundur. Þakka þér fyrir að leyfa mér að hafa aðra skoðun á þessu máli. Það er nefnilega svo margir harðir "fullveldissinnar" sem eru farnir að tala um, að þeir sem telja hag okkar betur borgið í ESB séum landráðafólk eða föðurlandssvikara!

Við getum að sjálfsögðu staðið utan ESB á því er engin vafi. Það tekur hins vegar bara svo mikið í buddu íslenskra neytenda að ég tel það ekki svara kostnaði. Við getum einnig átt í blómlegum samskiptum við öll önnur ríki í heiminum hvort við erum í ESB eða utan þess. Svo fremi sem við fylgjum alþjóðlegum leikreglum (það hefur reynst okkur erfitt að undanförnu).

Ómar. Afhverju getur ESB ekki staðist?????????????? Hvað áttu við? ESB er eins raunverulegt og ég og þú og sennilega athyglisverðasta pólístíska samstarf mannkynssögunar. Það eru engar líkur á því að ESB verði í nánustu framtíð (50 ára) fylkjasamband eins og þú ert að gefa í skyn og ef svo yrði þyrftu öll aðildarríkin að samþykkja það með þjóðaratkvæðisgreiðslu. 

Ómar: "Við íslendingar getum vel lifað og starfað frjálsir og óháðir öðrum í þessum heimi og við eigum að gera það." Hvernig skilgreinir þú hugtökin frjáls og óháðir. Erum við frjáls og óháð í dag og ef ekki, hvernig komum við okkur í þá  stöðu sem við erum núna að upplifa?

Reyndu að svara þessari spurningu án þess að vera með innihaldslaust hjal um einhverja ESB-grýlu.