Eru lífeyrissjóðir ræningjar?

Batteríið í kringum lífeyrissjóði er nú alveg ótrúlegt, ég hef það á tilfinningunni að það á eftir að koma þar fram mikil skítur.

Sem dæmi ef viðkomandi deyr fyrir 67 ára aldur þá er greiddur út makalífeyrir í yfirleitt 3 ár. Það sem eftir stendur fær lífeyrissjóðurinn. Er það réttlæti? Mesti hagnaður lífeyrissjóða er að lífeyrisþeginn deyr! Lífeyrissjóður eru að gamblera með okkar fjármundi og við eigum rétt að haft sé eftirlit með hvað þeir eru að gera?

Athugasemdir

[Jakob Þór Haraldsson, 20.2.2010 kl. 13:16]

Tek undir að vissulega löngu tímarbært að breyta "lögum & reglum lífeyrissjóðanna", endurskoða einnig hvernig skipað er í stjórnir þessara sjoða, þ.e.a.s. atvinnulífið á ekki að hafa þar inni menn o.s.frv.  Auðvitað á að reka alla framkvæmdastjóra sem komu að fjárfestingum lífeyrissjóðanna síðustu 4 árin, enda bilun hversu illa sjóðirnir fjárfestu.  Enginn sem ber ábyrgð hjá þeim og þessir sjóðir eru í raun reknir eins og "fjölskyldu fyrirtæki útvaldra aðila" - slík vinnubrögð minna óneytanlega á "la mafia..!"

kv. Heilbrigð skynsemi (fun.blog.is)

[Sigurður Haraldsson, 20.2.2010 kl. 13:52]

Samála.

[Valgarð Ingibergsson (IP-tala skráð) 20.2.2010 kl. 14:48]

Mér dettur líka í hug að það að hefja lífeyrisgreiðslur við 67 ára aldurinn þá erum þetta í raun ellilífeyrisgreiðslur sem tengjast greiðslum frá almannatryggingum , jafnframt þá stuðlar þetta að því að halda unga fólkinu frá vinnumarkaðinum þar sem endurnýjun miðast við 67 ár .

Við vitum líka að sá sem er einstæður og fellur frá á 67 ári fær ekkert úr lífeyrisjóðinum eða nokkur annar fyrir hans hönd - nema hann eigi barn .

Ég tel þetta kerfi ekki eðlilegt þar sem eignamyndun er óeðlilega mikil á móti litlu útstreymi  .

kv  valli

[Jóhann Elíasson, 20.2.2010 kl. 15:23]

Því miður Valgeir, þá er þetta ekki rétt ég reyndi þetta þegar stjúpfaðir minn veiktist illa og lést nokkrum mánuðum síðar móðir mín fékk 60% greitt af hans réttindum hún lést árið 2001, þá fórum við systkinin af stað, en við það að maki lífeyrisþegans var fallinn frá þá duttu öll áunnin réttindi upp fyrir og í rauninni var lífeyrissjóðurinn einn af erfingjum stjúpföður míns.

[Ómar Gíslason, 20.2.2010 kl. 15:25]

Mér hefur alltaf fundist þetta kerfi meingallað. Það væri betra að leggja þá inní sjóð og jafnvel tekið það út um t.d. 55 eða 60 ára þegar þú vilt hætta að vinna.

Sem dæmi hvað þetta kerfi er klikkað að ef þú hefur 250.000 laun á mán. í 20 ár og miðað við 10% greiðslur ertu búinn að leggja inn kr. 6 milljónir.  Ef þú fellur frá þá, þá myndi makinn fá makalífeyrir frá VR í þrjú ár og það væri um kr. 1.440.000
(Fyrsta árið yrði 50% af ellilífeyrir og næstu tvö væru 25% af ellilifeyrir)